पुणे : सासवडमधील आचार्य अत्रे सभागृहात शनिवारी गुणवंत विद्यार्थ्यांच्या सत्कार सोहळ्याला शिवसेना नेते आणि माजी मंत्री विजय शिवतारे यांनी हजेरी लावली होती. या सत्कार सोहळ्यामध्ये बोलताना विजय शिवतारे यांनी आपल्या बालपणीच्या आठवणी सांगितल्या आहेत. लहापणी ते किती वांड होते आणि अभ्यास न करता शाळेत हुशार असल्याचे विजय शिवतारे यांनी सांगितले आहे.
‘लहानपणी मी फार वांड होतो, चौथीत असताना बिड्या पित असल्याचा खळबळजनक खुलासा विजय शिवातरे यांनी विद्यार्थ्यांच्या सत्कार समारंभात बोलताना केला आहे. चौथीत असताना जनावरं वळायला जायचो, त्यावेळी आईच्या पिशवीतले चार आणे चोरायचे, बिडीचं बंडल आणायचं, दोन-चार बिड्या प्यायलो की, चक्कर येऊन पडायचो. असा बंडखोर प्रवृत्तीचा मी होतो’, असा किस्सा माजी मंत्री विजय शिवतारे यांनी सांगितला आहे. शिवतारेंच्या या वक्तव्यामुळे अनेकांच्या भुवया उंचावल्या आहेत.
“हा पण एक होतं. मी लहानपणी वांड असलो तरी देखील मी पहिल्या क्रमांकावर होतो. मी कधीही अभ्यास करत बसायचो नाही. तुम्ही आताही शाळेत गेलात, तर माझं नाव आहे तिथे. माझा हजेरी क्रमांकही असा होता ना… एक दिवस मी डुप्लिकेट स्कूल लिव्हिंग सर्टिफिकेट काढण्यासाठी शाळेत गेलो. जो हजेरी क्रमांक कधीही बदलत नाही”, असे देखील शिवतारे म्हणाले आहेत.
महत्वाच्या बातम्या-
-आजारी बहिणीला संपवलं अन् रचला बनाव, १८ वर्षीय भावाचं चीड आणणारे कृत्य; पोलिसांनी ठोकल्या बेड्या
-पोर्शे अपघाताची पुनरावृत्ती; राष्ट्रवादी काँग्रेस आमदारच्या पुतण्यानं दोघांना चिरडलं
-प्रदेशाध्यक्ष पुण्यात अन् काँग्रेस कार्यकर्त्यांमध्ये तुंबळ हाणामारी, अंतर्गत वाद चव्हाटयावर
