पुणे : अवघ्या काही महिन्यांवर येऊ घातलेल्या स्थानिक स्वराज्य संस्थांच्या निवडणुकीमध्ये महाविकास आघाडी स्वबळावर लढणार असल्याचं आघाडीच्या अनेक नेत्यांकडून सांगण्यात आलं. मात्र महायुतीकडून याबाबत अद्याप कोणतंही वक्तव्य समोर आलं नव्हतं. गेल्या अनेक दिवसांपासून प्रलंबित असलेले पालकमंत्रिपदाचं वाटप झालं अन् पुणे आणि बीडच्या पालकमंत्रिपदाची जबाबदारी सांभाळण्याची संधी पुन्हा एकदा उपमुख्यमंत्री अजित पवारांना मिळाली. याचाच जल्लोष पुणे राष्ट्रवादीने आज केला. यावेळी राष्ट्रवादी काँग्रेस पक्षाचे शहराध्यक्ष दीपक मानकर यांनी माध्यमांशी बोलताना त्यांनी ‘पालकमंत्री झाल्याने त्याचा पॉझिटिव्ह इफेक्ट आगामा पालिका निवडणुकीत पहायला मिळेल’, असा विश्वास व्यक्त केला आहे.
‘आगामी महापालिका निवडणुकीमध्ये युती होईल अथवा नाही होईल. मात्र आमची देखील पुणे शहरांमध्ये वेगळी अशी ताकद आहे. आणि या दादांच्या ताकदीचा उपयोग आम्हाला आगामी महापालिका निवडणुकीमध्ये झालेला पाहायला मिळेल. तसेच दादा पालकमंत्री झाल्याने त्याचा पॉझिटिव्ह इफेक्ट आगामी महापालिका निवडणुकीवर झाल्याचं पाहायला मिळेल’, असं दीपक मानकर म्हणाले आहेत. मानकरांच्या वक्तव्याने पुणे राष्ट्रवादीचा कॉन्फिडन्स वाढल्याचे पहायला मिळालं आहे.
‘अजित पवार यांच्याकडे पुण्याचे आणि बीडचे पालकमंत्री पद आलं. हे राज्याला आणि राष्ट्रवादीच्या कार्यकर्त्यांना अपेक्षित होतं. पुणे शहराच्या विकासाला गती देण्याचं सामर्थ्य अजित पवार यांच्यामध्ये आहेत. मात्र पुण्याच्या वाहतूक कोंडीबाबत उपाययोजना करावी अशी मागणी अजित पवार यांच्याकडे असणार आहे. आणि अजित पवार नक्की वाहतूक कोंडीमधून पुणेकरांची सुटका करतील’, असा विश्वास असल्याचे दीपक मानकर म्हणाले आहे.
महत्वाच्या बातम्या-
-वाल्मिक कराड प्रकरणी भाजप नेत्याची सीआयडीकडून चौकशी; ‘तो’ नेता कोण?
-‘काम कमी नखरा जास्त’; शरद पवारांच्या आमदाराची राज्य सरकारवर आगपाखड
-बायको प्रेग्नंट, तरीही नवऱ्याने अविवाहित म्हणत डॉक्टर तरुणीसोबत…; पुण्यात धक्कादायक प्रकार
-‘…तर परळीत येऊन बसेन आणि लोकशाही मार्गाने धडा शिकवीन’; देसाईंचा मंत्री मुंडेंना इशारा
-‘…म्हणून सैफ अली खान प्रकरणाला वेगळं वळण’; रोहित पवारांचा गंभीर आरोप
