पुणे : सध्या महाराष्ट्र पोलीस भरती चाचणी राज्यात ठिकठिकाणी सुरु आहेत. राज्यातील वेगवेगळ्या जिल्ह्यात १७ हजार ४७१ पदांसाठी ही भरती प्रक्रिया पार पडत आहे. या भरती प्रकियेसाठी सध्या उमेदवारांची मैदानी चाचणी सुरू आहे. अनेक ठिकाणी सुरू असलेल्या पावसामुळे उमेदवारांच्या मैदानी चाचण्या पुढे ढकलण्यात आल्या आहेत. उपमुख्यमंत्री, गृहमंत्री देवेंद्र फडणवीस यांनी महत्त्वाचा निर्णय घेतला आहे. फडणवीसांनी शुक्रवारी माध्यमांशी बोलताना पोलीस भरतीच्या मैदानी चाचणाबाबत माहिती दिली आहे.
“राज्यात पोलीस भरतीची प्रक्रिया सुरू आहे. मात्र, जेथे पाऊस आहे, तेथील उमेदवारांच्या मैदानी चाचण्या पुढे ढकलण्यात आल्या आहेत. आता यापुढे अजून पाऊस वाढण्याची शक्यता आहे. त्यानंतर विधानसभा निवडणुकीसाठी आदर्श आचारसंहिता लागेल. त्यामुळे विद्यार्थ्यांच्या पोलीस भरतीच्या मैदानी चाचण्या आणखी पुढे जाऊ शकतात”, असेही देवेंद्र फडणवीस म्हणाले आहेत.
“अनेक उमेदवारांसाठी शेवटची संधी असेल तर त्यांच्या भविष्यावर परिणाम होऊ शकतो. अशा उमेदवारांना संधी मिळायला हवी. त्याबाबत काहीतरी निर्णय घ्यावा लागेल. पोलीस भरती प्रक्रियेत पावसामुळे व्यत्यय निर्माण झाला असेल त्या ठिकाणी पोलीस भरतीच्या मैदानी चाचणी घेण्यासाठी पुढील तारखा देण्यात आल्या आहेत. जेथे पाऊस नाही तेथे भरती प्रक्रिया राबण्यात येत आहे. तसेच जे विद्यार्थी मैदानी चाचणीसाठी येत आहेत, त्यांच्या राहण्याची व्यवस्था करण्यासंदर्भात काही सूचना केल्या”, असे देवेंद्र फडणवीस म्हणाले आहेत.
महत्वाच्या बातम्या-
-पुण्यात डेंग्यू रुग्णसंख्या वाढली; पालिका प्रशासनाकडून प्रतिबंधात्मक उपायोजना
-‘मी बारामतीची जबाबदारी दुसऱ्यांवर दिली होती, पण…’; शरद पवारांचा अजितदादांना अप्रत्यक्ष टोला
-वारकऱ्यांना सर्व सोईसुविधा द्या, हेमंत रासनेंची पालिककडे आग्रही मागणी; शिष्टमंडळासह घेतली भेट
-‘लोकसभेत आम्हाला एकही जागा नाही, आता….’ विधानसभेच्या किती जागांवर आठवलेंनी केला दावा?
-महायुतीत वाद? रुपाली ठोंबरे म्हणाल्या, ‘अजित पवारांना सोबत घेतल्याने भाजपला नाही तर…’
