पुणे : अलिकडे डेटिंग अ‌ॅप किंवा विवाह नोंदणी अ‌ॅपवरुन फसवणूक झाल्याचे अनेक धक्कादायक प्रकरणे समोर येत असतात. त्यातच पुणे शहरात देखील अशीच एक धक्कादायक घटना घडली असल्याचं उघडकीस आलं आहे. पुण्यातील बिबवेवाडी परिसरातील एका तरुणाने डॉक्टर तरुणीला लग्नाचे आमिष दाखवले. त्यानंतक तिच्याकडून तब्बल १० लाख रुपये उकाळले. त्यानंतर लग्न करण्याची वेळ येताच त्याने आपलं लग्न झालं असल्याचं सांगितलं. या मानसिक धक्क्यातून डॉक्टर तरुणीने आत्महत्या केल्याचे धक्कादायक घडना घडली आहे.
पुण्यातील बिबवेवाडी पोलीस ठाणा हद्दीत ही घटना घडली असून पल्लवी पोपट फडतरे (वय २५) असं आत्महत्या (Sucide) केलेल्या महिला डॉक्टरचे नाव आहे. विषारी औषधं पिऊन तरुणीने स्वतःच्याच क्लिनिकमध्ये आत्महत्या केली आहे. या घटनेने पुणे शहरात एकच खळबळ उडाली आहे. डॉक्टक तरुणीची फसवणूक करणाऱ्या आरोपी कुलदीप आदिनाथ सावंत याच्यावर बिबवेवाडी पोलीस ठाण्यात गुन्हा दाखल करण्यात आला आहे.
आरोपी कुलदीप सावंत याने लग्न झालेले असतानाही जीवनसाथी डॉट कॉम या संकेतस्थळावर अविवाहित असल्याचे भासवून लग्नासाठी नोंदणी केली. त्यानंतर तो फिर्यादींना भेटला. मात्र त्याचे वागणे पाहून तरुणीच्या पित्याने त्याला नकार कळवला होता. मात्र एवढे होऊनही आरोपी थांबला नाही. मुलीच्या वडिलांना डावलून त्याने थेट तरुणीशी संपर्क साधला. त्यानंतर तिला प्रेमाच्या जाळ्यात ओढत तिच्याकडून तब्बल १० लाख रुपये उकाळले.
पल्लवीने लग्नाचा विषय काढला, तेव्हा त्याने आपलं लग्न झालं असून पत्नी गर्भवती असल्याचे देखील सांगितलं. हा मानसिक धक्का पचवू न शकल्याने डॉक्टर तरुणीने विषारी औषध पित आत्महत्यासारखे टोकाचे पाऊल उचलले असून तिचा मृत्यू झाला आहे, अशी माहिती पोलिसांनी दिली आहे. कुलदीप सावंत याच्याविरोधात बिबवेवाडी पोलीस ठाण्यात मृत तरुणीच्या वडिलांनी दिलेल्या फिर्यादीवरुन गुन्हा दाखल करण्यात आला आहे. आरोपी कुलदीपकडून पोलिसांनी लपटॉप जप्त केला आहे.
महत्वाच्या बातम्या-
-‘…तर परळीत येऊन बसेन आणि लोकशाही मार्गाने धडा शिकवीन’; देसाईंचा मंत्री मुंडेंना इशारा
-‘…म्हणून सैफ अली खान प्रकरणाला वेगळं वळण’; रोहित पवारांचा गंभीर आरोप
-मुंढव्यातील ‘त्या’ हुक्का पार्लरवर छापा; हॉटेल मालकासह व्यवस्थापकाविरोधात गुन्हा दाखल
-राज्य मंडळाकडून ‘जात प्रवर्ग’चा निर्णय रद्द; 10 वी 12 वीच्या विद्यार्थ्यांना मिळणार नवे हॉल तिकीट
-सावकारी कर्ज आणि जाचाला कंटाळून पती-पत्नीनं आधी मुलाला संपवलं अन्…; नेमकं काय घडलं?
