पुणे : विद्येचं माहेरघर असणाऱ्या पुणे शहरामध्ये लाखोंच्या संख्येने विद्यार्थी शिक्षणासाठी तसेच नोकरीसाठी येत असतात. याच पुणे शहरात शॉपिंगसाठी काही प्रसिद्ध ठिकाणे आहेत. महाराष्ट्राच्या कानाकोपऱ्यातून होलसेल खरेदीसाठी ग्राहक शहरात गर्दी करतात. काही विशेष दिवसांसाठी देखील सातत्याने नवनवीन ऑफर्स सुरू असतात. तसेच (२६ जानेवारी) प्रजासत्ताक दिनानिमित्त पुणे मेट्रोने देखील प्रवाशांना ११८ रुपयांचे मेट्रो कार्ड अवघ्या २० रुपयांत दिले. तर या कार्डवर सोमवार ते शुक्रवा१० टक्के सूट तर शनिवार आणि रविवार या दिवशी ३० टक्के सवलत देण्यात आली आहे. अशाच काही ऑफर्स मोबाईल, कपड्यांच्या दुकानातही लागल्याचे पहायला मिळाले. मात्र, पुण्यात एका दुकानदाराला ऑफर देणं महागात पडलं आहे.
पुण्यातील राजगुरुनगर येथे प्रजासत्ताक दिनानिमित्त एका कापड दुकानादाराने १ रुपयांमध्ये १ ड्रेस अशी खास महिलांसाठी ऑफर ठेवण्यात आली होती. या ऑफरची माहिती मिळताच दुकानात महिलांनी लक्षणीय गर्दी केल्याचे पहायला मिळाले. अनपेक्षित गर्दी पाहून दुकानदाराने चक्क दुकानच बंद करण्याचा निर्णय घेतला. मात्र, केवळ १ रुपयामध्ये कपडे न घेण्याच्या अपेक्षेने आलेल्या महिलांनी दुकान बंद होताच संताप व्यक्त केला आहे. दुकानदाराने १ रुपयांत कपडे न दिल्यास दुकान तोडून कपडे घेणार, अशी आक्रमक भूमिका महिलांनी घेतली होती.
दरम्यान, दुकानाबाहेर महिलांनी राजगुरुनगर आणि भीमाशंकर मार्गावर गर्दी केली होती, परिणामी या मार्गावर मोठी कोंडी झाली होती. महिलांची ही गर्दी आटोक्यात न आल्याने पोलिसांना घटनास्थळी धाव घ्यावी लागली. खेड पोलीस स्टेशनच्या कर्मचाऱ्यांनी महिला आणि दुकानदार यांच्यात हस्तक्षेप करत वाद संपवल्याचे पहायला मिळाले आहे. यावरुन दुकानदाराला विशेष ऑफर ठेवणं चांगलंच महागात पडल्याचे पहायला मिळाले आहे.
महत्वाच्या बातम्या-
-‘गुइलेन बॅरी सिंड्रोम’ आजाराचा खर्च परवडेना! राज्य सरकार आणि महापालिका मदत करणार
-पिंपरीतील गुइलेन बॅरी सिंड्रोमची लागण झालेल्या महिलेचा मृत्यू; रुग्णालयाचा दावा वेगळाच
