पुणे : अलिकडच्या घटस्फोटाचे प्रमाण वाढले असून पती-पत्नी एकमेकांना समजून घेण्यास किंवा एकमेकांना अ‌ॅडजस्ट करायची इच्छा ठेवत नसल्याचे प्रकार समोर येत असतात. पुण्यात देखील अशीच एक घटना समोर असून एका वर्षाच्या आत घटस्फोट होण्याचे धक्कादायक कारण समोर आले आहे. एका दाम्पत्याचा संसार अवघे ६ महिने देखील टिकला नाही. या दाम्पत्याचा विवाह ६ डिसेंबर २०२३ रोजी झाला. पत्नीच्या मनाविरुद्ध लग्न झाल्याची सल तिने पतीला बोलून दाखवली आणि तिने पतीला त्रास देण्यास सुरवात केली.
‘मला तुझ्याशी लग्न करायचे नव्हते, पण घरच्यांनी जबरदस्तीने लग्न लावले. त्यामुळे माझी बहीण सासू-सासऱ्यांना त्रास देते. तसा त्रास मी तुला आणि तुझ्या आई-वडिलांना देणार आहे,’ असे म्हणत पत्नी पतीचे केस ओढून त्याला नखांनी ओरबाडत असायची. त्याने पत्नीला समजावण्याचा अनेकदा प्रयत्न करुनही पत्नीने अवघ्या चौदा दिवसांत माहेर गाठलं. पत्नीने पुन्हा नांदायला यावं, म्हणून पतीने अनेक प्रयत्न केले, पण संसार करणे पत्नीच्या मनात नसेल तर पतीचे निर्णय निष्फळ ठरणारच.
नेमकं काय घडलं?
मनाविरुद्ध लग्न झाल्याने पहिल्याच दिवसापासून पत्नीने पतीला त्रास देण्यास सुरवात केली. पतीचे केस ओढणे, नखांनी ओरबाडणे असे वागून पतीला त्रास देत असे. पत्नीच्या या क्रूरतेला वैतागून पतीने घटस्फोट मिळवण्यासाठी कौटुंबिक न्यायालयात धाव घेतली. पती-पत्नीने परस्पर संमतीने घटस्फोटासाठी केलेल्या अर्जावर कौटुंबिक न्यायालयाने देखील शिक्कामोर्तब केले आणि पतीला न्याय मिळाला आहे. लग्नानंतर एका वर्षाच्या आतच हे जोडपे कायमचे विभक्त झाले आहे.
पत्नीच्या क्रूरतेचा विचार करता पतीने घटस्फोट मिळण्यासाठी ॲड. निखिल कुलकर्णी यांच्यामार्फत पुण्याच्या कौटुंबिक न्यायालयात दावा दाखल केला. या प्रकरणावर सुनावणी सुरू असतानाच पती-पत्नीने काही अटींवर परस्पर संमतीने विभक्त होण्याचा निर्णय घेतला आहे. ‘पती-पत्नीला पुन्हा एकत्र येत संसार करणे शक्य नसल्याचे घटस्फोटाच्या अर्जानंतर दिला जाणारा फेरविचारांचा कालावधी (कूलिंग ऑफ पीरियड) वगळण्यात यावा’, असा युक्तिवाद ॲड. कुलकर्णी यांनी केला. कौटुंबिक न्यायालयातील न्यायाधीश के. व्ही. ठाकूर यांनी तो ग्राह्य धरून हा दावा निकाली काढत पतीला मोठा दिलासा मिळाला आहे.
महत्वाच्या बातम्या-
-पुणे महापालिकेची निवडणूक कधी होणार? न्यायालयातील सुनावणी संदर्भात महत्त्वाची अपडेट
-वाल्मिक कराड प्रकरणी भाजप नेत्याची सीआयडीकडून चौकशी; ‘तो’ नेता कोण?
-‘काम कमी नखरा जास्त’; शरद पवारांच्या आमदाराची राज्य सरकारवर आगपाखड
