पुणे : लोकसभेत बसलेल्या फटक्याने महायुती आता साधव झाली असून विधानसभा निवडणुकीसाठी चांगलीच खबरदारी घेतली जात आहे. भाजपच्या नेत्या आणि आमदार पंकजा मुंडे यांना पुण्यातील ६ विधानसभा मतदारसंघांची जबाबदारी सोपवण्यात आली आहे. सध्या मराठा आरक्षणाचा प्रश्नावरुन चांगलंच राजकारण तापताना दिसत आहे. अशातच ‘मराठा समाजाला आरक्षण भाजपनेच दिलं, पण तरीही मराठा समाजाने आरक्षणाच्या मुद्द्यावरुन लोकसभेला आम्हाला नाकारलं, कारण विरोधकांनी फेक नेरेटीव्ह पसरवले’, असे भाजपचे वरिष्ठ नेते वारंवार सांगत असतात.
भाजप आमदार पंकजा मुंडे यांनीही पुण्यातील मेळाव्यातून कार्यकर्त्यांना आवाहन केले आहे. यावेळी, आरक्षणाच्या मुद्द्यावरुन फेक नेरेटीव्ह पसरवणाऱ्या राष्ट्रवादीला तुम्ही सवाल विचारा, तुमची भूमिका काय?, तुम्ही आमच्या पक्षाला म्हणता ना? तुमच्या पक्षाची आरक्षणाबाबत भूमिका काय हे तुम्ही सांगा जी राष्ट्रवादी आपल्या सोबत नाही त्यांना विचारा तुमचं जर म्हणणं आहे, मराठा समाजाला ओबीसीतून आरक्षण दिले गेले पाहिजे तर तुम्ही ते सांगा…बाप दाखव नाहीतर श्राद्ध कर, हा सूर्य हा जयद्रथ आहे, असे पंकजा मुंडे म्हणाल्या आहेत.
तुम्ही सगळं आमच्यावरच ढकलत आहात. आमच्याच अंगावर तुम्ही मराठा समाज घालत आहात. आमच्या अंगावर तुम्ही ओबीसी समाज आणि दलित समाज घालत आहात. या अपप्रचाराला आपल्याला समोर जावं लागणार आहे. जे नुकसान ते झालं ते नुकसान आता आपल्याला भरून काढावं लागणार आहे, असे पंकजा मुंडे पुण्यात कार्यकर्त्यांशी बोलताना म्हणाल्या आहेत.
महत्वाच्या बातम्या-
-गणेशोत्सवात आवाज कमी; गणेश मंडळ पदाधिकाऱ्यांना मेधा कुलकर्णींचं आवाहन
-नाना पटोलेंसाठी भावी मुख्यमंत्री म्हणून घोषणा अन् बागुलांना उमेदवारी देण्याची मागणी
-…म्हणून पालिकेने गणेश मूर्ती विक्रेते अन् मंडळांना धाडल्या नोटीसा; वाचा कारण काय?
-महायुतीत वडगाव शेरीवरुन खडाजंगी; भाजप-राष्ट्रवादीचा वाद शिगेला, नेमकं कारण काय?
