पिंपरी चिंचवड : पिंपरी-चिंचवडमधील एक धक्कादायक घटना समोर आली आहे. खासगी सावकाराच्या त्रासाला कंटाळून एका कुटुंबाने आत्महत्या केल्याचे समोर आले आहे. खासगी सावकाराकडून घेतलेलं कर्ज फेडता आलं नाही म्हणून सावकाराने केलेल्या जाचाला कंटाळून हांडे पती-पत्नीने गळफास घेतला. त्यापूर्वी मुंबईत राहणाऱ्या भावाला फोन करुन आत्महत्या करत असल्याचं सांगितलं. आणि १० वर्षाच्या मुलीचा गळा दाबून हत्या केली. त्यानंतर हांडे दाम्पत्याने गळफास घेतला. पोलीस वेळीच घरी पोहचल्यामुळे पती वैभव हांडे बचावला आहे.
वैभव हांडे आणि शीतल हांडे हे दाम्पत्य औषध विक्रीचं (मेडिकल) दुकान चालवत होते. आधी एक अन कालांतराने दुसरं मेडिकल टाकलं. यासाठी २०१७ मध्ये खासगी सावकारांकडून पहिलं कर्ज घेतलं. एक कर्ज फेडण्यासाठी, दुसरं कर्ज, मग दुसरं फेडण्यासाठी तिसरं कर्ज घेण्याच्या नादात हांडे दाम्पत्य कर्जात बुडू लागले. वैभव हांडे यांनी बऱ्यापैकी कर्ज फेडले होते. पण अलिकडच्या काळात त्यांच्यावर साडे तेरा लाखांच्या कर्जाचा डोंगर बाकी होता. याच वेळेत ४ सावकारांनी हांडे दाम्पत्याकडे पैसे परत करण्यासाठी तगादा लावला होता. सावकारांचा जाच हांडे कुटुंबाला सहन न झाल्याने शुक्रवारी (१७ जानेवारी) सायंकाळी या पत्नी शीतल यांनी मुंबईत राहणाऱ्या भावाला ‘आम्ही आत्महत्या करत आहे’ असं कळवलं आणि तातडीने फोन बंद केला. त्यानंतर पती-पत्नी आणि मुलाने झोपेच्या गोळ्या खाल्ल्या, त्यानंतर पोटच्या गोळ्याचा गळा दाबून खून करण्यात केला. मुलगा मृत पावलाय का? याची शहानिशा करुन या दोघांनी गळफास घेतला.
तोपर्यंत शितलच्या भावाने कोणताही संपर्क होत नाही म्हणून थेट पोलिसांना याबाबत माहिती दिली. चिखली पोलिसांनी हांडे दाम्पत्याच्या घरी पोहचले. त्यावेळी शितल यांचा मृत्यू झाला होता तर वैभव हांडेंचा श्वास सुरु होता. त्यांना तातडीने रुग्णालयात दाखल केल्याने ते बचावले. शुद्धीवर आल्यानंतर त्यांनी घडला प्रकार पोलिसांना सांगितला. हांडे यांनी दिलेल्या माहितीनंतर वैभव हांडे यांनी १० वर्षाच्या मुलाची हत्या केल्या प्रकरणी गुन्हा दाखल करण्यात आला असून खासगी सावकार संतोष कदम, संतोष पवार आणि जावेद शेख या तिघांनाही चिखली पोलिसांनी अटक केली आहे. या प्रकरणातील आणखी एका सावकाराचा शोध सुरु आहे.
महत्वाच्या बातम्या-
-पुण्याचा कारभारी कोण? मुरलीधर मोहोळांनी स्पष्टच सांगितलं
-पिंपरी-चिंचवड पाणी प्रश्न पोहचला थेट न्यायालयात; नेमका काय प्रकार?
-पुणेकरांसाठी क्रेडाईचे ‘पुणे प्रॉपर्टी एक्स्पो’ प्रदर्शन; गृहनिर्माण प्रकल्पांना चालना
-दहावी-बारावी बोर्ड: हॉल तिकिटावर जातीचा उल्लेख, बोर्डाने दिलं स्पष्टीकरण
-दिल्लीतून आणलेल्या बनावट नोटांची पुण्यात वटवणी; पोलिसांनी केला पर्दाफाश
