पुणे : महाराष्ट्र राज्य माध्यमिक व उच्च माध्यमिक शिक्षण मंडळाकडून बारावीच्या हॉल तिकीटावर जात प्रवर्गाच्या उल्लेख करण्यात आला होता. राज्य मंडळाने १० जानेवारीपासून बारावीच्या विद्यार्थ्यांना परीक्षेसाठीचे प्रवेशपत्र ऑनलाइन उपलब्ध करून दिले. यंदा पहिल्यांदाच प्रवेशपत्रावर विद्यार्थ्याचा जात प्रवर्ग नमूद करण्यात आला होता. मात्र, त्यावर आक्षेप घेण्यात आला. त्यावर शिक्षकांकडून आक्षेप घेतल्यानंतर मंडळाने बारावीच्या विद्यार्थ्यांना २३ जानेवारीपासून नवीन प्रवेश पत्र (हॉल तिकीट) उपलब्ध करुन देण्याचा निर्णय घेतला आहे. राज्य मंडळाचे सचिव देवदास कुलाळ यांनी प्रसिद्ध पत्रकाद्वारे ही माहिती दिली आहे.
‘याबाबत लोकभावनेचा आदर करून मंडळ दिलगिरी व्यक्त करत आहे. प्रवेशपत्रांवरील जातीचा प्रवर्ग हा रकाना रद्द करण्यात येत आहे. नव्याने तयार केलेली प्रवेशपत्रे राज्य मंडळाच्या संकेतस्थळावर डाउनलोड करण्यासाठी गुरुवारपासून (२३ जानेवारी) उपलब्ध करून देण्यात येत आहेत. विद्यार्थ्यांची परीक्षाविषयक इतर माहिती आहे तशीच राहील याची नोंद घ्यावी,’ असे मंडळाने परिपत्रकाद्वारे स्पष्ट केले आहे.
‘दहावीच्या विद्यार्थ्यांच्या प्रवेशपत्रावरील जातीचा प्रवर्ग हा रकाना रद्द करण्यात येत आहे. दहावीच्या परीक्षेसाठीची प्रवेशपत्रे ऑनलाइन पद्धतीने http://www.mahahsscboard.in या संकेतस्थळावर २० जानेवारी रोजी दुपारी ३ वाजल्यापासून डाउनलोड करण्यासाठी उपलब्ध करून दिली जाणार आहेत,’ असे परिपत्रकात नमूद करण्यात आले आहे.
महत्वाच्या बातम्या-
-सावकारी कर्ज आणि जाचाला कंटाळून पती-पत्नीनं आधी मुलाला संपवलं अन्…; नेमकं काय घडलं?
-पुण्याचा कारभारी कोण? मुरलीधर मोहोळांनी स्पष्टच सांगितलं
-पिंपरी-चिंचवड पाणी प्रश्न पोहचला थेट न्यायालयात; नेमका काय प्रकार?
-पुणेकरांसाठी क्रेडाईचे ‘पुणे प्रॉपर्टी एक्स्पो’ प्रदर्शन; गृहनिर्माण प्रकल्पांना चालना
-दहावी-बारावी बोर्ड: हॉल तिकिटावर जातीचा उल्लेख, बोर्डाने दिलं स्पष्टीकरण
