पुणे : मराठा आंदोलक मनोज जरांगे पाटील हे मराठा आरक्षणासाठी लढा देत आहे. मनोज जरांगे पाटील हे राज्यभर दौरा करत असून येत्या विधानसभा निवडणुकीसाठी मनोज जरांगे पाटलांची चाचपणी सुरु आहे. मराठा समाजाची या निवडणुकीत काय भूमिका असणार याबाबत ते बैठका घेत आहेत. या पार्श्वभूमीवर बैठकीत चर्चा झालेल्या मुद्द्यांवर मनोज जरांगे पाटलांनी पुण्यात पत्रकारांशी संवाद साधला.
निवडणूक लढविण्याबाबत पुणे जिल्ह्यातील २१ विधानसभा मतदारसंघांबाबत चर्चा झाली. पण निर्णय कोणताही झाला नाही. पुन्हा एकदा बैठक घेऊ आणि मग ठरवू की निवडणूक लढवायची की २८८ पाडायचे. समाज सनाट चालणार आहे. आम्ही रणणिती उघड करणार नाही. नाहीतर देवेंद्र फडणवीस डाव करतील, असं म्हणत जरांगे पाटलांनी उपमुख्यमंत्री देवेंद्र फडणवीसांवर पुन्हा एकदा निशाणा साधला आहे.
नेते आंतरवलीमध्ये येऊन आमचाच फुकट चहा पिऊन जातात. पण मी त्यांना नाही म्हणू शकत नाही. फडणवीसांच्या जवळचे मला येऊन मला गुपचूप भेटतात आणि फडणवीसांची तक्रार करतात. निवडणूक लढवण्याची वेळ आली तर मी सगळं उघड करेन. देवेंद्र फडणवीस खुनशी आहेत. दहशतीने निवडणूक जिंकता येत नाही तर मायेने जिंकता येणार, असे मनोज जरांगे पाटील म्हणाले आहेत.
मराठवाड्यात पावसामुळे मोठं नुकसान झालं आहे. पण मदत मिळत नाही. देवेंद्र फडणवीसांशिवाय सरकारमधील पानही हलत नाही. मुख्यमंत्री कोणीही असो निर्णय फडणवीसच घेत आहेत. देवेंद्र फडणवीस मराठा द्वेषी. त्यामुळे सगे सोयरेचा निर्णय होत नाही. देवेंद्र फडणवीस आमचा शत्रू नाही, पण त्यांची मराठा द्वेशी आणि वागण्याची पद्धत विचित्र.
काही दिवसांपूर्वी भाजपचे ८-१० आमदार माझ्याकडे आले त्यांनां म्हटलं देवेंद्र फडणवीस यांना जाऊन सांगा आरक्षण द्यायला. ते गेले ‘सागर’ बंगल्यावर गेले आणि परतच आले नाहीत. देवेंद्र फडणवीस सागर बंगल्यावर जादू करतात. माझ्यावर खोटा खटला दाखल केला. मराठवाड्यात छत्रपती शिवाजी महाराजांचा इतिहास पोहचावा यांसाठी आम्ही नाटक आणलं होतं. त्यात तोटा आला. आम्ही आमच्या परीने पैसे दिले. जबाबदारी वाटून घेतली. पण माझ्यावर देवेंद्र फडणवीस यांनी माझ्यावर खोटा खटला दाखल केला. जामनेरमध्ये १ लाख २० हजार मराठा आहेत. बघतोच गिरीश महाजनकडे. इंगाच दाखवतो, असा इशारा मनोज जरांगे पाटलांनी गिरीश महाजनांना दिला आहे.
महत्वाच्या बातम्या-
-खडकवासल्यावर शिंदेंच्या शिवसेनेचा दावा; भीमराव तापकीरांची डोकेदुखी वाढली!
-सुप्रिया सुळे म्हणाल्या ‘दूधवाला पण लवकर उठतो’, अजितदादांचं सणसणीत उत्तर; म्हणाले…
-‘…आता ‘ते’ तुमच्या हातात’; विधानसभा निवडणुकीपूर्वीच अजितदादांची बारामतीकरांना भावनिक साद
