पुणे : उपमुख्यमंत्री अजित पवार आणि ज्येष्ठ नेते, खासदार शरद पवार हे आज पुन्हा एकदा वसंतदादा शुगर इन्टिट्यूटच्या ४७ वी वार्षिक सर्वसाधारण सभा आणि पारितोषिक समारंभामध्ये एका व्यासपीठावर आल्याचे पहायला मिळाले. आज अनेकांच्या नजरा या दोन्ही दिग्गज नेत्यांकडे होत्या. शरद पवार आणि अजित पवार हे दोन्हे नेते एकत्र येणार असल्याच्या अनेक चर्चा राजकीय वर्तुळात रंगत आहेत. तसेच अजित पवारांच्या मातोश्रींनी देखील पंढरीच्या विठुरायाला हे दोघे एकत्र येण्यासाठी साकडं घातलं आहे. अशातच आता राज्याचे क्रिडीमंत्री दत्तात्रय भरणे यांना याबाबत प्रश्न विचारले असता त्यांनी प्रतिक्रिया दिली आहे. ‘शरद पवार आणि अजित पवार हे एकत्र आले तर दुःख व्हायचं कारण नाही, उलट आनंदच होईल’, असं क्रीडामंत्री दत्तात्रय भरणे म्हणाले आहेत. दत्तात्रय भरणे हे मावळमध्ये प्रसारमाध्यमांशी बोलत होते.
पुण्यात वसंतदादा शुगर इन्स्टिट्यूट मध्ये बैठकीदरम्यान शरद पवार आणि अजित पवार एकत्र आले होते. त्यानंतर झालेल्या कार्यक्रमातही पवार काका-पुतणे एकाच व्यासपीठावर आले होते. मात्र, या कार्यक्रमामध्ये अजित पवारांनी आसन व्यवस्था बदलण्यास सांगून शरद पवारांच्या शेजारी बसणं टाळल्याचं पहायला मिळालं. याबाबत बोलताना दत्तात्रय भरणे यांनी उत्तर दिले आहे. “शरद पवार आणि अजित पवार एकत्र आले तर अवघ्या देशातील जनतेला आनंद होईल, यात दुःख व्हायचं कारण नाही”, असे दत्तात्रय भरणे म्हणाले आहेत.
दरम्यान, क्रीडामंत्री दत्ता भरणे यांच्या हस्ते मावळमधील एका स्पोर्ट कॉम्प्लेक्सच्या उद्घाटनासाठी आले होते. यावेळी ‘आपण नेहमीच लहानपण देगा देवा असं म्हणत लहानपणीची आठवण काढत असतो. त्यावेळेसचे खेळ आठवत असतो. आजही आपल्याला फिट राहायचं असल्यास खेळ आणि व्यायाम महत्त्वाचा आहे. मी देखील वेळात वेळ काढून व्यायाम करतो’, असं म्हणत दत्तात्रय भरणेंनी खेळाचे आणि व्यायामाचे महत्त्व पटवून दिले आहे.
महत्वाच्या बातम्या-
-पालिका निवडणुकीच्या पार्श्वभूमीवर ठाकरेसेनेची तयारी; ‘किती गेले नी किती राहिले’ची चाचपणी
-महापालिकेकडून नागरिकांच्या जीवनाशी खेळ, शुद्धीकरण न करताच पाणीपुरवठा; जीबीएसचा प्रादुर्भाव वाढला
-आधी बंद दाराआड चर्चा अन् नंतर शेजारी बसणं टाळलं; पवार काका-पुतण्याच्या मनात नेमकं काय?
-Pune News: लवकर श्रीमंत व्हायचं म्हणून त्याने राजस्थानमधून अफू आणलं अन्…
