पुणे : महाड येथे चवदार तळ्याच्या परिसरामध्ये राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड यांनी आंदोलनावेळी भावनेच्या भरात भारतरत्न डॉ. बाबासाहेब आंबेडकर यांचा फोटो फाडून विटंबना केली. याप्रकरणी जितेंद्र आव्हाड यांच्या विरोधात बंडगार्डन पोलीस ठाण्यात आव्हाडांच्या विरोधात गुन्हा दाखल करण्यात आला आहे. डॉ. बाबासाहेब आंबेडकरांचा फोटो फाडणं आव्हाडांना चांगलंच महागात पडलं आहे.
भारतीय जनता पक्षाच्या पुणे शहर अनुसुचित जाती मोर्चाचे अध्यक्ष भीमराव बबन साठे यांनी बंडगार्डन पोलीस ठाण्यात आव्हाड यांच्याविरोधीत फिर्याद दिली आहे. शैक्षणिक अभ्यासक्रमात मनुस्मृतीमधील २ श्लोकांचा समावेश करण्याच्या प्रकरणामुळे राजकीय वतुर्ळात उलट सुलट चर्चा सुरू आहे. त्यानिषेधार्थ बुधवारी आमदार जितेंद्र आव्हाड यांनी महाडमधील चवदार तळ्याच्या परिसरात आंदोलन केले. आव्हाड यांच्याविरुद्ध भादंवि कलम १५३, १५३ (अ), २९५(अ), ५०४, ५०५ अन्वये गुन्हा दाखल करण्यात आला आहे. बंडगार्डन पोलिसांकडून याप्रकरणाचा तपास करण्यात येत आहे.
आंदोलनावेळी डॉ. बाबासाहेब आंबेडकरांचे छायाचित्र फाडण्यात आल्याचे उघडकीस आले आहे. त्यानंतर आव्हाड यांच्यावर टीकेची झाली. अनावधानाने झालेल्या या घटनेबाबत आव्हाड यांना माफी मागितली आहे. अशा प्रकारे वर्तन करुन आव्हाड यांनी समाजात तेढ निर्माण करण्याचे काम केले आहे. आव्हाड यांच्या कृत्यामुळे देशभरातील आंबेडकरी चळवळीतील अनुयायांच्या भावना दुखावल्या आहेत, असे भीमराव साठे यांनी फिर्यादीत म्हटले आहे.
महत्वाच्या बातम्या-
-पुणे पोलिसांकडून कॅफेवर छापा; धक्कादायक वास्तव आलं समोर, अंधारात…
-‘थर्ड ग्रेड स्टेटमेंट्स करणाऱ्याला समज द्या’; अंजली दमानिया कोणामुळे संतापल्या?
-‘जगातील सर्व सुंदर बाया भोगून घ्या, पण…’, कालीचरण महाराजांचे महिलांबाबत वादग्रस्त वक्तव्य
-पुणे हिट अँड रन: “या प्रकरणात आमदाराचा मुलगा, २ उपमुख्यमंत्री…”; नाना पटोलेंने केले धडाधड आरोप
Benefits of soaked dates : आरोग्यासाठी खजूर वरदान! जाणून घ्या ‘हे’ चमत्कारीक फायदे
