पुणे : ज्येष्ठ पत्रकार निखिल वागळे यांच्या पुण्यामध्ये होत असलेल्या “निर्भय बनो” या सभेला भाजप तसेच महायुतीकडून विरोध करण्यात आला होता. कोणत्याही परिस्थितीमध्ये निखिल वागळे यांना सभा घेऊन देणार नाही असा इशारा भाजप नेत्यांकडून देण्यात आला होता. भाजपच्या तीव्र विरोधानंतर देखील निखिल वागळे हे सभा ठिकाणी जाण्यास निघाले असता पहिल्यांदा कर्वे रस्तानंतर शास्त्री रोड तसेच दांडेकर पूल चौकामध्ये त्यांच्या गाडीवर जीवघेणा हल्ला करण्यात आला. कार्यकर्त्यांनी अक्षरशः गाडीवर दगडांचा वर्षाव केल्याचं यावेळी पाहायला मिळालं.
भाजपचे ज्येष्ठ नेते लालकृष्ण अडवणी यांना भारतरत्न पुरस्कार दिल्यानंतर निखिल वागळे यांच्याकडून एक ट्विट करण्यात आलं होतं यामध्ये “एका दंगलखोराकडून दुसऱ्या दंगलखोराला पुरस्कार” देण्यात आल्याची टीका त्यांनी केली होती. वागळे यांच्या पोस्टनंतर भाजपकडून तीव्र विरोध करण्यात येत होता.
पुण्यातील साने गुरुजी स्मारक येथे पुरोगामी संघटनांकडून “निर्भय बनो” या सभेचे आयोजन करण्यात आले होते. दरम्यान शाई फेक दगडाने गाडी फोडण्यात आल्यानंतर देखील निखिल वागळे हे सभा ठिकाणी पोहोचले.
महत्वाच्या बातम्या-
-“लोकशाही दाबण्यासाठी भाजप गुंडांचा वापर करणार”; रोहित पवारांचे ताशेरे
-शिक्षण संस्थांमध्ये अल्पवयीन मुलांवर लैंगिक अत्याचार; संभाजी ब्रिगेडची चौकशीची मागणी
-“परेड काढूनही मस्ती असेल तर…”; अजित पवारांचा गुंडांना इशारा
-“पक्ष, चिन्ह, झेंडा आमच्याकडेच आता नेत्यांनी ठरवावं…”; अजितदादांचं इतर नेत्यांना आवतान
