पुणे : पुणे शहरात गुंडांची दहशत, गुन्हेगारांचा उच्छाद त्यातच पोलिसांचा बेशिस्तपणा या सर्व घटना सुरुच आहे. फसवणुकीचा गुन्हा दाखल न करण्यासाठी पिंपरी-चिंचवडचे सहायक आयुक्त मुगुटलाल पाटील यांच्या सांगण्यावरून एक लाखांची लाच घेणाऱ्या मध्यस्थाला लाचलुचपत प्रतिबंधक विभागाने (एसीबी) पकडले आहे. या प्रकारानंतर पोलीस दलात चांगगलीच खळबळ उडाली आहे.
मुगुटलाल पाटील यांची याप्रकरणात एसीबीकडून चौकशी करण्यात येणार आहे. ओंकार भरत जाधव (वय ३१, रा. वास्तुव्हिवा सोसायटी, वाकड) असे अटक करण्यात आलेल्या तरुणाचे नाव आहे. ओंकार जाधव मोटारचालक आहे. जाधव आणि मुगुटलाल पाटील यांची पूर्वीपासून ओळख होती.
तक्रारदार तरुणाविरुद्ध सहायक पोलीस आयुक्त मुगुटलाल पाटील यांच्याकडे तक्रार अर्ज आला होता. कात्रज-कोंढवा बाह्यवळण मार्गावरील जागेसंदर्भात फसवणुकीचा गुन्हा दाखल करण्यात यावा, असे तक्रार अर्जात म्हटले होते. संबंधित तक्रार अर्जाची चौकशी मुगुटलाल पाटील यांच्याकडे सोपविण्यात आली होती.
आरोपी ओंकार जाधवने सहायक पोलीस आयुक्त मुगुटलाल भोसले यांच्या सांगण्यावरुन लाच मागितल्याचे प्राथमिक तपासात उघडकीस आले आहे. तपास पूर्ण झाल्यावर संबंधित सहायक पोलीस आयुक्तांना आरोपी करायचे की नाही, याबाबत निर्णय घेतला जाईल, असे तपास अधिकारी पोलीस उपअधीक्षक नितीन जाधव यांनी सांगितले आहे.
बंडगार्डन रस्त्यावरील एका खासगी रुग्णालयाच्या आवारात लाचेचा पहिला हप्ता स्विकारणाऱ्या ओंकार जाधवला सापळा लावून पकडण्यात आले. पोलीस अधीक्षक अमोल तांबे, अतिरिक्त अधीक्षक डॉ. शीतल जानवे यांच्या मार्गदर्शनाखाली ही कारवाई करण्यात आली आहे.
महत्वाच्या बातम्या-
-पुण्यात पुन्हा कोयता गँगची दहशत; परिसरातील गाड्यांची तोडफोड करत कोयते हवेत भिरकावले
-पुण्याची गुन्हेगारी थांबणार कधी?; पार्किंगच्या वादातून महिलेला जिवंत जाळण्याचा प्रयत्न
-‘भाजपला विजयाचा आत्मविश्वास राहिला नाही, नेत्यांमध्ये अहंकार वाढला’; सुप्रिया सुळेंचा आरोप
-शिरुरच्या जागेवरून युतीत मिठाचा खडा! आढळरावांनी अजितदादांना ठणकावून सांगितलं
-‘राजकारण म्हणजे भातुकलीचा खेळ नाही, मी कुटुंबात राजकारण आणत नाही’; सुप्रिया सुळेंचा पलटवार
