पुणे : चौथ्या टप्प्यातील पुणे लोकसभा निवडणुकीचे मतदान येत्या १३ मे रोजी होणार आहे. पुणे लोकसभा निवडणुकीसाठी महायुतीकडून भाजपचे मुरलीधर मोहोळ, महाविकास आघाडीकडून काँग्रेसचे रवींद्र धंगेकर, वंचित बहुजन आघाडीकडून वसंत मोरे आणि एमआयएमकडून अनिस सुंडके हे निवडणुकीच्या रिंगणात आहेत. एमआयएमचे उमेदवार अनिस सुंडके यांच्या प्रचारार्थ आयोजित केलेल्या प्रचार पदयात्रेस जनतेचा उत्स्फूर्त प्रतिसाद मिळत असल्याचं चित्र आहे.
अनिस सुंडके यांची ही प्रचार पदयात्रा पुणे शहरातील मेनरोड पासून पारस बिल्डिंग, भीम संघटना, भीमटोला चौक, खड्डा वस्ती, दुशकर वस्ती, वस्ती रॅली, राजगुरू चौक, गुंजी वस्ती, ताडीवाला रोड या मार्गांवरून पदयात्रा काढण्यात आली. यावेळी एमआयएम उमेदवार अनिस सुंडके यांच्यासह एमआयएमचे जिल्हा अध्यक्ष फैयाज शेख, युवक अध्यक्ष शाहीद शेख, हुसेन शेख, शोएब शेख, अतिक मन्सुरी आदी उपस्थित होते.
“ही लढाई संघर्षाची आहे. एमआयएम पक्ष मुस्लिम समाजाच्या मागे ठामपणे राहतो पण त्याहून हा पक्ष सर्व घटक पक्षांना सोबत घेण्याबाबत कायमच आग्रही असतो. एमआयएम हा पक्ष संघर्षातून उभा राहिलेला पक्ष असून कायम संघर्ष करणाऱ्यांच्या मागे उभा आहे. कष्टकरी समाज असलेल्या प्रत्येक घटकाच्या न्याय हक्कासाठी उभा असलेला आमचा पक्ष आहे. त्यामुळेच पुणे शहरात प्रस्थापित पक्षाचे उमेदवार असले तरी मी संघर्षातून घडलेला कार्यकर्ता असून मला सामान्य जनतेच्या व्यथा जवळून माहित आहेत”, असं अनिस सुंडके म्हणाले आहेत.
महत्वाच्या बातम्या-
-‘मुस्लिम लोक सर्वाधिक कंडोम वापरतात’; पंतप्रधान मोदींच्या ‘त्या’ टीकेवर ओवैसींचं प्रत्युत्तर
-पंतप्रधान नरेंद्र मोदींनी शरद पवारांना ‘भटका आत्मा’ म्हणून केला उल्लेख
-“दुसऱ्यांवर टीका करून सहानुभूती मिळवण्याचा त्यांचा प्रयत्न”; आढळरावांचा अमोल कोल्हेंवर घणाघात
-पंतप्रधान मोदींचा सत्कार करताना मोहोळ अचानक थांबले अन् सुनेत्रा पवारांना पुढे बोलवलं, पहा काय झालं
-पंतप्रधान मोदींचा पहिल्यांदाच पुणे मुक्काम; राजभवनाला छावणीचं स्वरुप
