विधानसभेच्या पार्श्वभूमीवर विखे पाटलांकडून अजित पवारांविरोधात कुरापती? जिल्ह्यातील महसूल कार्यालयांच्या अचानक तपासणीचा आदेश

पुणे : राज्यात आगामी विधानसभा निवडणुकीच्या पार्श्वभूमीवर राजकीय पक्षांकडून तयारी सुरु आहे. महायुतीमधील घटक पक्षांमध्ये अनेक जागांवर दावे-प्रतिदावे करण्यात येत आहेत. अशातच आता महसूलमंत्री आणि भाजपचे ज्येष्ठ नेते राधाकृष्ण विखे पाटलांनी उपमुख्यमंत्री अजित पवारांवर कुरघोड्या करण्यास सुरवात केली असल्याचे बोलले जात आहे.

अजित पवार हे राज्याचे उपमुख्यमंत्री आणि पुणे जिल्ह्याचे पाकलमंत्री देखील आहेत. पुणे जिल्ह्यातील महसूल कार्यालयांची महसूल मंत्रालयातील विशेष निरीक्षण पथकाकडून अचानक तपासणी करण्याचे आदेश राधाकृष्ण विखे पाटलांनी दिले आहेत. या संबंधीची तपासणी करण्यासाठी विशेष पथक पुण्यात दाखल झाले आहे. या पथकाकडून सुरु असलेली ही तपासणी १६ ऑगस्टपर्यंत करण्यात येणार आहे.

‘एका जत्रेनं देव म्हातारा होत नाही’; शरद पवारांच्या खासदाराला मोरेंनी सुनावलं

ठाकरेसेना स्वबळावर लढणार; ‘हा तर शिवसैनिकांचा विश्वासघात’

‘लोकांची काम करण्यासाठी खात्याचं काम…’; अजित पवारांच्या मंत्र्यांना सूचना

दरम्यान, या तपासणीवेळी ज्या कार्यालयांची माहिती पथकाला विनाविलंब होणार नाही, त्यांना संबंधित माहिती जिल्हाधिकारी कार्यालयात पथकाला सादर करावी लागेल. अन्यथा संबंधित माहिती महसूल सहसचिवांकडे मंत्रालयात समक्ष हजर राहून सादर करावी लागेल, असे महसूल खात्याने दिलेल्या आदेशामध्ये नमूद करण्यात आले आहे.