पुणे : सध्या पालेभाज्या, फळभाज्यांची आवक कमी झाल्याने दरात वाढ झाली आहे. त्यामुळे पालेभाज्या आणि फळभाज्यांचे दर गगनाला भिडले आहेत. त्यामुळे सर्वसामान्यांच्या खिशाचा भार आता वाढणार असल्याचे स्पष्ट होत आहे. बाजारामध्ये कोथिंबीर, मेथी, कांद्याच्या पातीसह पालेभाज्यांच्या दरात १० टक्क्यांनी वाढ झाली आहे. तर तसेच टोमॅटो, शेवगा, ढोबळी मिरची, फलॉवर आणि हिरवी मिरचीचे दर ५ ते १० टक्क्यांनी वाढले आहेत. भुईमूग शेंगांची आवक वाढल्याने दरात घट झाली आहे. अन्य फळभाज्यांचे दर स्थिर असल्याची माहिती व्यापाऱ्यांनी दिली आहे.
श्री. छत्रपती शिवाजी मार्केट यार्डातील घाऊक बाजारात रविवारी २६ मे रोजी राज्य, तसेच परराज्यातून मिळून ९० ट्रक फळभाज्यांची आवक झाली आहे. पुणे विभागातून सातारी आले ६०० ते ७०० गोणी, भेंडी आणि गवार प्रत्येकी ५ ते ६ टेम्पो, टोमॅटो ९ ते १० हजार पेटी, हिरवी मिरची ४ ते ५ टेम्पो, ढोबळी मिरची ८ ते १० टेम्पो, काकडी ७ ते ८ टेम्पो, कोबी ४ ते ५ टेम्पो, फ्लाॅवर ८ ते १० टेम्पो, ढोबळी मिरची ८ ते १० टेम्पो, तांबडा भोपळा १० ते १२ टेम्पो, गावरान कैरी ४ ते ५ टेम्पो, भुईमूग शेंग २०० ते २५० गोणी, कांदा ८० ट्रक तसेच इंदूर, आग्रा आणि स्थानिक भागातून ३० ट्रक बटाटा अशी आवक झाली आहे.
मार्केट यार्डातील तरकारी विभागात रविवारी कोथिंबीर १ लाख जुडी, मेथीच्या ५० हजार जुडी अशी आवक झाली. घाऊक बाजारात शेकडा पालेभाज्यांच्या दरांमध्ये कोथिंबीर १ हजार ५०० ते २ हजार ५०० रुपये, मेथी १ हजार ६०० ते २ हजार ५०० रुपये, शेपू ८०० ते १ हजार ५०० रुपये, कांदापात ८०० ते २ हजार रुपये, चाकवत ४०० ते ७०० रुपये, करडई ३०० ते ८०० रुपये, पुदिना ३०० ते ८०० रुपये, अंबाडी ४०० ते ७०० रुपये, मुळा ८०० ते १५०० रुपये, राजगिरा ४०० ते ६०० रुपये, चुका ४०० ते ७०० रुपये, चवळई ३०० ते ८०० रुपये, पालक १ हजार ते १ हजार १०० रुपये असल्याची माहिती व्यापाऱ्यांनी दिली आहे.
महत्वाच्या बातम्या-
-पुणे हिट अँड रन : ‘मुलांवर लक्ष ठेवा अन्यथा…’; अजित पवारांचा पालकांना इशारा
-पुणे विद्यापीठात सापडलेल्या अंमली पदार्थावर युवासेना आक्रमक; विद्यापीठ प्रशासनाला दिला ‘हा’ इशारा
