पुणे : लोकसभा निवडणुकीमध्ये विजय मिळवण्यासाठी माजी मुख्यमंत्री उद्धव ठाकरे यांनी राज्यातील विविध मतदारसंघांमध्ये सभांचा धडाका लावला आहे. अशातच आता उद्धव ठाकरे यांनी पुण्यातून मोठा धक्का बसला आहे. पुण्यातील शिवसेना उद्धव बाळासाहेब ठाकरे यांच्या पक्षातील अंतर्गत नाराजी चव्हाट्यावर आली आहे. ऐन लोकसभा निवडणुकीत आणि विधानसभेच्या तोंडावर उद्धव ठाकरेंना मोठा धक्का बसला आहे.
पुण्यातील उद्धव ठाकरे युवासेनेमधील अनेक पदाधिकाऱ्यांनी आदित्य ठाकरेंना पत्र देत या पदाधिकाऱ्यांसह सगळ्या कार्यकर्त्यांनी देखील राजीनामे दिले आहेत. पक्षांतर्गत गटबाजी आणि पदासाठी केलेली पैशाची मागणी या गोष्टींना वैतागून अनेकांचे राजीनामे दिल्याचे त्यांनी पत्रात म्हटले आहे.
पत्रात नेमकं काय आहे?
शिवसेना नेते, युवासेना प्रमुख सप्रेम जय महाराष्ट्र वंदनीय हिंदुहृदयसम्राट, श्रीमान बाळासाहेब ठाकरे ह्यांच्या ज्वलंत हिंदुत्व मराठी माणसाच्या प्रेमाबद्दल मागील अनेक वर्ष आम्ही ( उबाठा) युवा सेना वाढवण्यासाठी व नविन युवक संघटना वाढवण्यासाठी आम्ही मनापासून प्रामाणिक प्रयत्न केले आणि काम केले परंतु आपण दिलेल्या पदाधिकाऱ्यांकडून वेळोवेळी घाणेरडी वागणूक आम्हाला दिली गेली. पक्षांतर्गत गटबाजी, शिवसेना पक्ष आणि मतभेद हे कायम पाहायला मिळत होते. युवासेना पदासाठी पैशाची मागणी केली जात होती. या सर्व त्रासाला वैतागुन आम्ही सर्व युवासेनेचे निष्ठावंत पदाधिकारी सामुहिक राजीनामा देत आहोत.
हिंदुहृदयसम्राट श्रीमान बाळासाहेब ठाकरे, धर्मवीर आनंद दिघे साहेब, महाराष्ट्रातील जनतेचे लोकसेवक कार्यक्षम मुख्यमंत्री यांच्या कामाने व खऱ्या शिवसेनेच्या विचाराने प्रेरीत होऊन यापुढे आम्ही खासदार मा. डॉ. श्रीकांत शिंदे व पुर्वेश सरनाईक आणि युवासेना सचिव किरण साळी यांच्यासोबत पुढील राजकिय व सामाजिक काम करण्याचा निश्चय केला आहे. आणि आमच्या सोबत असंख्य पदाधिकारी प्रवेश करत आहे, असं पदाधिकाऱ्यांनी आदित्य ठाकरेंना दिलेल्या पात्रात म्हटलं आहे.
महत्वाच्या बातम्या-
-दहावी, बारावीचा निकाल ‘या’ दिवशी होणार जाहीर; वाचा कसा पाहता येणार निकाल
-उन्ह्याळ्यात पडणारा पाऊस आपल्यासाठी चांगला की वाईट? वाचा ही महत्वाची बातमी
-संजय काकडेंच्या अडचणीत वाढ, थेट झाले अजामीनपात्र अटक वॉरंट जारी
-अजित पवार नॉट रिचेबल असल्याच्या चर्चेला पूर्णविराम; अजितदादांची प्रकृती बिघडली
-Pune | उरुळी देवाची अन् फुरसुंगीत ८४ अनधिकृत होर्डिंग; गावकऱ्यांच्या सुरक्षिततेचा प्रश्न ऐरणीवर
