पुणे : पुणे लोकसभा निवडणुकीच्या पार्श्वभूमीवर पुणे शहरात जमावबंदीचे आदेश देण्यात आले आहेत. तसेच या निवडणुकीचे मतदान सुरळित पार पडावे या अनुषंगाने गुन्हे शाखेने गुंडांची झाडाझडती घेण्यास सुरवात केली आहे. गंभीर गुन्ह्यात जामीन मिळवून बाहेर असणाऱ्या सराईत तसेच त्यांच्या साथीदारांच्या चौकशी सुरु करण्यात आली आहे. शहरात गेल्या काही दिवसात गाेळीबाराच्या अनेक घटना घडल्या आहेत. टोळक्याने वाहनांची तोडफोड केल्याची घटना घडली. कोयता गँगने शहरात हाहाकार माजवला आहे.
लोकसभा निवडणुकीच्या चौथ्या टप्प्यातील पुणे लोकसभा मतदारसंघातील मतदान येत्या सोमवारी १३ मे रोजी होणार आहे. मतदान प्रक्रिया शांततेत पार पाडण्यासाठी गेल्या ३ दिवसांपासून पोलिसांनी गुंडांची झाडाझडती घेण्यास सुरुवात केली आहे. दररोज मध्यरात्री पोलिसांकडून तपासणी मोहिम (कोम्बिंग ऑपरेशन) राबविण्यात येत असून, गुंडांविरुद्ध प्रतिबंधात्मक कारवाई करण्यात येत आहे.
दरम्यान, पुणे शहरातील कोंढवा, मुंढवा, हडपसर, बिबवेवाडी, मार्केट यार्ड, वानवडी, लोणी काळभोर परिसरातील सराइतांविरुद्ध कारवाईचा बडगा उगारण्यात आल्याचं समोर आलं आहे. “निवडणुकीच्या पार्श्वभूमीवर पोलिसांनी शहरातील वेगवेगळ्या भागात सराइतांची तपासणी करण्यात येत आहे. गंभीर गुन्ह्यातील आरोपींवर प्रतिबंधात्मक कारवाई करण्यात येत आहे. या माेहिमेत गुन्हे शाखेसह स्थानिक पोलीस ठाण्यातील पथके सहभागी झाली आहेत”, असे गुन्हे शाखेचे पोलीस उपायुक्त अमोल झेंडे म्हणाले आहेत.
महत्वाच्या बातम्या-
-“शरद पवारांनी राज्यात जातीपातीचं विष कालवलं पण, अजित पवारांना याबाबतीत…”-राज ठाकरे
-…म्हणून पाकिस्तानची भारतात बॉम्बस्फोट करण्याची हिंमत झाली नाही- देवेंद्र फडणवीस
-“पाच वर्षांपूर्वी पण अभिनय सोडतो म्हंटले पण…”; अमोल कोल्हेंच्या चुनावी जुमल्यावर आढळराव बरसले
-‘शाश्वत जीवनशैलीच्या दिशेने शाश्वत उर्जा स्त्रोतांच्या वापरावर भर’- मुरलीधर मोहोळ
-भर पावसात अजित पवारांचा रोड शो; म्हणाले, “आम्ही शेतकऱ्यांच्या पोटी जन्माला आलोय, त्यामुळे…”
