पुणे : लोकसभा निवडणुकीच्या पार्श्वभूमीवर राज्यात विविध ठिकाणी नाकाबंदी करण्यात आली आहे. निवडणूक विभाग आणि पिंपरी -चिंचवड पोलिसांच्या संयुक्त पथकाने २७ लाखांची रोख रक्कम पकडली आहे. वाकडमध्ये मंगळवारी रात्री ११च्या सुमारास ही कारवाई करण्यात आली. १८ एप्रिलपासून मावळ लोकसभा मतदारसंघासाठी उमेदवारी अर्ज दाखल करण्यास प्रारंभ झाला आहे.
महायुती, महाविकास आघाडीच्या उमेदवारांनी अर्ज दाखल केले होते. त्यामुळे प्रचाराला वेग आला आहे. राजकीय घडामोडी वाढल्या आहेत. त्यासोबतच प्रशासनाने देखील जोरदार तयारी केली आहे.
निवडणूक विभाग आणि पिंपरी-चिंचवड पोलिसांच्या संयुक्त पथकाकडून वाकडमध्ये नाकाबंदी सुरू होती. त्यावेळी मुंबईकडून वाकडच्या दिशेने एक चारचाकी मोटार येत होती. पथकाने मोटारीची तपासणी केली. त्यावेळी मोटारीत रोकड मिळून आली. मोटारीतील व्यक्ती व्यावसायिक असल्याचे सांगत असून त्याला त्याच्याकडे असलेल्या रोख रकमेबाबत माहिती देता आली नसल्याने रोकड आणि मोटार जप्त करण्यात आली आहे.
महत्वाच्या बातम्या-
-‘पाच वर्षात लोकांची काम केली नाही, आता लोक खासदारांना वेशीवरून माघारी पाठवतायत’- आढळराव पाटील
-आकर्षक वाहन क्रमांकाच्या लिलाव प्रक्रियेत आता दलालांचा शिरकाव; आरटीओमध्ये ‘काळाबाजार’
-राज ठाकरे अजितदादांसाठी मैदान गाजवणार; बारामतीमध्ये होणार भव्य सभा
-…म्हणून पंतप्रधान मोदींची सभा एस. पी. मैदानावर नाही तर शहरातील ‘या’ मैदानावर होणार
-ससूनमधील मद्य पार्टी करणाऱ्या डॉक्टरांचे फोटो दाखवत अजित पवारांनी काढले वाभाडे; तरीही कारवाई नाहीच
