सुभाषचंद्र यांच्याबाबत केलेल्या वक्तव्यावर कंगनाचं स्पष्टीकरण; ट्रोलर्सना म्हणाली, 'मला ज्ञान शिकवणाऱ्यांनो....'

Kangana Ranaut : बॉलिवूडमधील प्रसिद्ध अभिनेत्री कंगन रणौत ही सिनेसृष्टी व्यतीरिक्त समाजातील इतर मुद्द्यांवर भाष्य करताना दिसते. कंगना रणौत ही आपल्या वक्तव्याने चर्चेत असते. कंगना रणौतला भाजपकडून हिमाचल प्रदेशमधील मंडी लोकसभा मतदारसंघातून निवडणूक लढणार आहे. भाजपने उमेदवारी जाहीर केल्यापासून कंगना आणखीणच चर्चेत आली आहे.

कंगनाने काही दिवसांपूर्वी कंगनाने सुभाषचंद्र बोस यांच्याविषयी केलेल्या वक्तव्याने कंगना पुन्हा चर्चेत आली आहे. “एका व्यक्तीने आपले रक्त सांडून स्वातंत्र्य दिले. जर्मनी ते जपानपर्यंत स्वातंत्र्याची लढाई लढली. त्यांना देशाचे पंतप्रधान का केले नाही, अखेर ते कुठे अचानक अदृश्य झाले?” असा सवाल कंगनाने केला. यावरुन कंगना सोशल मीडियावर प्रचंड ट्रोल झाली. नेटकऱ्यांनी कंगनाला चांगलंच धारेवर धरलं आहे. या सगळ्यावर कंगनाने ट्वीट करत ट्रोलर्सना चांगलंच प्रत्युत्तर दिलं आहे. कंगनाने तिच्या सोशल मीडियाच्या अकाऊंटवरुन एनडीटीचा एक स्क्रिनशॉट शेअर करत सगळ्यावर प्रतिक्रिया दिली आहे.

“जे मला भारताच्या पहिल्या पंतप्रधानांबद्दल ज्ञान देत आहेत त्यांनी हा स्क्रीनशॉट वाचावा. नवशिक्यांसाठी येथे सामान्य ज्ञान आहे. जे प्रतिभावान लोक मला अभ्यास करायला सांगत आहेत त्यांना हे माहित असावे की, मी ‘एमरजन्सी’ नावाचा चित्रपट लिहिला आहे. त्यात अभिनय आणि दिग्दर्शनही केले. त्याची कथा प्रामुख्याने नेहरू कुटुंबाभोवती फिरते. त्यामुळे कृपया दिशाभूल करू नये. जर मी तुमच्या IQ च्या पलीकडे बोलले तर तुम्हाला असे वाटू लागते की, मला याबद्दल माहित नाही. त्यामुळे इथे तुमचीच वाईटरित्या फजिती झाली आहे.”

All those who are giving me gyan on first PM of Bharata do read this screen shot here’s some general knowledge for the beginners, all those geniuses who are asking me to get some education must know that I have written, acted, directed a film called Emergency which primarily… pic.twitter.com/QN0jD3rMfu

— Kangana Ranaut (Modi Ka Parivar) (@KanganaTeam) April 5, 2024