पुणे : पुणे शहरामध्ये दिवसेंदिवस गुन्हेगारीचं प्रमाण वाढत असून शहरात चोरी, खून, बलात्कार यांसारख्या घटना घडत असतात. तसेच अमली पदार्थांची खरेदी विक्री होण्याचे प्रकार देखील काही थांबताना दिसेना झाले आहेत. शहरात सर्वात मोठे ड्रग्ज रॅकेट सापडले होते. त्यानंतरही शहरात वारंवार अमली पदार्थांची खरेदी-विक्री केल्याच्या घटना समोर येत आहेत. अशातच आता राजस्थानातून अफू विक्रीसाठी घेऊन आलेल्या एकाला अमली पदार्थ विरोधी पथकाने कोंढवा भागातून ताब्यात घेतले आहे.
नाथूराम जीवनराम जाट (वय ५२, रा. असावरी, जि. नागोर, राजस्थान) असे अटक केलेल्याचे नाव असून त्याच्याकडून तब्बल २१ लाख ८० हजार रुपयांची १ किलो ९० ग्रॅम अफू जप्त करण्यात आली आहे. जाटविरोधात अमली पदार्थ विरोधी कायद्यान्वये गुन्हा दाखल करण्यात आला आहे. कोंढवा भागात अमली पदार्थ विरोधी पथक गस्त घातल असातना नाथूराम त्याच भागातून निघाला होता. त्यावेळी त्याच्यावर पोलिसांच्या पथकाने संशय आल्याने त्याच्याकडे असणाऱ्या पिशवीची तपासणी केली अन् पिशवीत लाखो रुपयांची अफू सापडली.
आरोपी नाथूराम जाट मूळचा राजस्थानातील असून तो पूर्वी फर्निचरचे काम करत होता. मात्र, झटपट पैसे कमावायचे म्हणून त्याने राजस्थानमधून अफू घेऊन पुण्यात विक्रीसाठी आणली होती. त्याने आतापर्यंत किती लोकांना अफू विक्री केली, याबाबत अधिकचा तपास पोलिसांकडून करण्यात येत आहे.
महत्वाच्या बातम्या-
-पुण्यात ‘GBS’ची रुग्णसंख्या वाढली, आमदार रासनेंची पालिका प्रशासनाकडे तातडीच्या उपाययोजनांची मागणी
-पुण्यात ‘GBS’ ची वाढती रुग्णसंख्या; राज्य सरकारने उचललं ‘हे’ मोठं पाऊल
-महाकुंभमेळ्याचा प्रवास महागला; विमानाच्या तिकीटदरात चौपट वाढ, मोहोळ काय म्हणाले?
-खंडणी प्रकरणी संभाजी ब्रिगेड आक्रमक; ओबीसी नेते हाके, सानप यांच्यावर गंभीर आरोप
