पुणे : महात्मा ज्योतिबा फुले संशोधन व प्रशिक्षण या संस्थेमार्फत विद्यार्थ्यांना स्पर्धा परिक्षांचे कोचिंग आणि फेलोशिप यांसारख्या योजना राबवल्या जातात. ‘महाज्योती’ संस्थेमार्फत आता महाराष्ट्रातील ५ जिल्ह्यांमध्ये उत्कृष्ठता केंद्र स्थापन करण्यात येणार आहेत. या केंद्रामार्फत विद्यार्थ्यांना विविध क्षेत्रांमध्ये प्रशिक्षित करण्याचे उद्दिष्ट आहे, असे मुख्यमंत्री देवेंद्र फडणवीस म्हणाले आहेत.
राज्यातील पुणे, अमरावती, नागपूर, छत्रपती संभाजीनगर आणि नाशिक या प्रमुख जिल्ह्यांमध्ये उत्कृष्ठता केंद्र स्थापन केली जाणार आहेत. मुख्यमंत्र्यांच्या या घोषणेमुळे आता राज्यातील इतर मागास आणि विशेष मागास प्रवर्गातील विद्यार्थ्यांना याचा लाभ होणार आहे. पुण्यासह इतर विभागीय क्षेत्रातील शहरांच्या ठिकाणी शिक्षण घेणाऱ्या विद्यार्थ्यांना हे केंद्र सोयीचे होणार आहे.
देवेंद्र फडणवीस काय म्हणाले?
विभागामार्फत चालविण्यात येणाऱ्या विजाभज प्रवर्गाच्या खासगी अनुदानित निवासी आश्रम शाळामधील विद्यार्थ्यांना तांत्रिकदृष्ट्या अत्याधुनिक गुणवत्तेचे शिक्षण डिजिटल पद्धतीने उपलब्ध करून देण्यासाठी डिजिटल क्लास रूम प्रकल्प राबविण्यात येणार आहे. केंद्र शासनाच्या प्रधानमंत्री आवास योजना (ग्रामीण) च्या धर्तीवर विमुक्त जाती व भटक्या जमातीसाठी सीड अंतर्गत घरकुले बांधण्यासाठी योजना राबविण्यात येणार असल्याचं मुख्यमंत्री फडणवीसांनी सांगितलं आहे.
महाराष्ट्र राज्य इतर मागासवर्गीय वित्त आणि विकास महामंडळ आणि वसंतराव नाईक विमुक्त जाती व भटक्या जमाती विकास महामंडळांतर्गत एकूण १८ महामंडळे स्थापन करण्यात आली असून या महामंडळांच्या लाभार्थ्यांकरीता वेब पोर्टलची निर्मिती तात्काळ करण्यात यावी, असे निर्देश मुख्यमंत्री फडणवीस यांनी यावेळी दिले आहेत.
महत्वाच्या बातम्या-
-समाजकंटकांकडून टेकड्या जाळण्याचा प्रयत्न; मंत्री चंद्रकांत पाटलांच्या महत्वाच्या सूचना
-मामाला संपवण्याची तयारी; पुण्यात बंदुक घेऊन फिरणाऱ्याला पोलिसांनी घेतलं ताब्यात
-पुण्याच्या एफसी रोडवरही वाल्मिक कराडचं घबाड; एकाच इमारतीत कोट्यावधींची संपत्ती
-पुणे तिथे काय उणे! पुणेकर वाहतूक कोंडीतही ठरले अव्वल
-पुण्यात लक्ष्मण हाकेंची पत्रकार परिषद; अन् ५ मिनटापूर्वीच आला ‘तो’ फोन
