पुणे : राज्यात विधानसभा निवडणुकीचे बिगुल वाजले अन् राजकीय पक्षांची जागावाटपाची लगबग सुरु झाली. पुणे शहरामध्ये आज परिवर्तन महाशक्तीची महत्वाची बैठक पार पडली या बैठकीला संभाजीराजे छत्रपती, बच्चू कडू आणि राजू शेट्टी हे उपस्थित होते. परिवर्तन महशक्तीच्या या बैठकीत विधानसभा निवडणुकीत २८८ पैकी १५० जागांबाबत निर्णय घेतला आहे.
परिवर्तन महाशक्तीच्या बैठकीनंतर पत्रकार परिषदेत माहिती देण्यात आली. यावेळी बोलताना, ‘लवकरच इतर जागांवरचा निर्णय देखील घेण्यात येणार आहे. बरेच लोक आमच्याकडे येण्यास इच्छुक असल्याची माहिती परिवर्तन महाशक्तीच्या नेत्यांनी दिली आहे. एकनाथ शिंदे (Eknath Shinde) असो की देवेंद्र फडणीस (Devendra Fadnavis) यांच्या विरोधात तिसऱ्या आघाडीचा उमेदवार निवडणुकीच्या रिंगणात उतरणार आहे. अशी माहिती देखील पत्रकार परिषदेत देण्यात आली.
सामान्य माणसाला आपलं वाटेल असं सरकार आम्ही स्थापन करण्याचा प्रयत्न करु. आम्ही चांगले उमेदवार देणार आहे. पवारसाहेब म्हणतात परिवर्तन आणू, तुम्ही कसलं परिवर्तन आणणार आहात? तुम्ही इतके दिवस सत्तेत होते, मग आता कसं काय परिवर्तन तुम्ही करणार? असा सवाल यावेळी बच्चू कडूंनी केला आहे.
‘परिवर्तनाचा अधिकारी युतीलाही नाही आणि आघाडीलाही नाही. परिवर्तनाची भाषा करण्याचा अधिकार आम्हाला आहे. नवीन परिवर्तन हे खऱ्या अर्थानं कामाचं असेल, बजेटमधील हिस्सा हा सामान्य माणसाचा आहे. मनोज तरंगे पाटील यांच्याशी देखील आमचं बोलणं सुरु आहे. ते आमच्या सोबत येतील असे प्रयत्न सुरु असल्याची माहिती परिवर्तन महाशक्तीच्या नेत्यांनी दिली आहे. तसेच महादेव जानकर देखील आमच्यासोबत येतील’ असा विश्वास बच्चू कडूंनी व्यक्त केला आहे.
महत्वाच्या बातम्या-
-“मला विधिमंडळात जायचंय महामंडळात नाही”, श्रीनाथ भिमालेंचा पर्वतीत लढण्याचा निर्धार कायम
-“भोसरीच्या मातीत समोरच्याला उचलून टाकणारे पैलवान जन्माला येतात, चावणारे नाही” -महेश लांडगे
-दीपक मानकरांच्या पत्रकार परिषदेनंतर रुपाली चाकरणाकरांची प्रतिक्रिया म्हणाल्या…
-अजितदादांचा शिलेदार शांत बसेना! मावळात शेळकेंची डोकेदुखी काय?
-पुण्यातील ‘या’ चार मतदारसंघाचा पेच काही सुटेना! महाविकास आघाडीसाठी डोकेदुखी
