पुणे : पुणे शहरातील गुन्हेगारी काही थांबताना दिसत नाहीये. शहरातील राष्ट्रवादी काँग्रेसचे माजी नगरसेवक वनराज आंदेकर यांच्यावर अज्ञातांनी गोळी झाडून तसेच कोयत्याने वार करुन खून केला आहे. ही धक्कादायक घटना रविवारी रात्री ९ च्या सुमारास नाना पेठ परिसरामध्ये घडली आहे. या प्रकरणातील आता पोलिसांनी तीन जणांना ताब्यात घेतले आहे.
वनराज आंदेकर यांचा खून हा कौंटुंबिक वादातून झाला असल्याचा संशय पोलिसांना आहे. या प्रकरणातील घटनेची चौकशी करण्यात येत असून ताब्यात घेतलेल्या तीघांची कसून चौकशी सुरु आहे. शहरातील नाना पेठ परिसरामध्ये रविवारी रात्री वनराज आंदेकर यांच्यावर हल्लेखोरांनी बंदुकीने गोळीबार केला. जवळपास ८-१० जणांच्या या टोळी पैकी ४-५ जणांकडे बंदुक होती. घटनेचे सीसीटिव्ही फुटेज देखील व्हायरल होत आहे.
दरम्यान, वनराज आंदेकर यांचा मृतदेह ससून रुग्णालयामध्ये शवविच्छेदनासाठी पाठवण्यात आला आहे. त्यांच्यावर ५ राऊंड फायर करण्यात आले आणि धारदार शस्त्राने त्यांच्यावर वार करण्यात आले आणि त्यांच्यावर रुग्णालयात उपचार सुरु असतानाच मृत्यू झाल्याची माहिती पोलिसांनी दिली आहे.
महत्वाच्या बातम्या-
-पुणे हादरले! राष्ट्रवादी काँग्रेसचे माजी नगरसेवक वनराज आंदेकरांवर गोळीबार; प्रकृती गंभीर
-बाप्पा निघाले काश्मीरला! युवा उद्योजक पुनीत बालन आणि मानाच्या गणेश मंडळांचा पुढाकार
-पर्वतीत रिक्षा चालकांना मिळणार मोफत गणवेश; श्रीनाथ भिमालेंचा स्तुत्य उपक्रम
-‘सकाळी लवकर उठता मग, आमच्यावर उपकार करता का? सुप्रिया सुळेंनी नाव न घेता अजितदादांना सुनावलं
-राज्य सरकारने दिलेला ‘तो’ निधी फक्त भाजप आमदारांनाच; निधीतला काँग्रेस, राष्ट्रवादीला रुपयाही नाही
